Բագրատ Սրբազան. Եկեղեցականությունը երբեք չի խուսափել պատասխանատվություն ստանձնելուց
Հոգևոր կյանքի մեջ խաղաղության ձեռքբերումը այմանավորված է պատերազմով և արժեքներով: Պատերազմը խելագարների գործ են, բայց ստորացված խաղաղությունը՝ էլ ավելի խելագարի: Այսօր ամբողջ աշխարհն է անցնում հոգևոր ճգնաժամի միջով: «Փաստինֆո»-ի եթերում ասել է Հայ Առաքելական Եկեղեցու Տավուշի թեմի առաջնորդ Գերաշնորհ Տեր Բագրատ Եպիսկոպոս Գալստանյանը:
Նրա արձանագրմամբ՝ այսօր պատերազմը միայն ռազմական իմաստով չէ: «Ժամանակներ առաջ մարդիկ խոսում էին կյանքով հայրենիքը փրկելու մասին, հիմա էլ մտածում են հայրենիքով կյանքը փրկելու մասին: Այսօրվա մեր քրիստոնեական արժեհամակարգին վերադառնալը սեպուհ պարտավորություն և հրամայական է»,- նշել է Սրբազանը:
Խոսելով հայ առաքելական եկեղեցու շուրջ համախմբվելու մասին՝ Սրբազանը հստակեցրեց, որ եկեղեցականությունը երբեք չի խուսափել և չի խուսափելու պատասխանատվություն ստանձնելուց, եթե դա ծառայելու է բարիքին և նպաստելու է մեր կյանքի վերականգնմանը: Եկեղեցին այն հենասյունն է, հոգևոր հաստատությունն է, որը արժեքների ձևակերպման մասին է խոսում: