2023-01-13 15:23
Լրատվական գործակալություններ
«Wizz Air» ընկերությունը սկսել է Վենետիկ-Երևան-Վենետիկ չվերթեր իրականացնել
«Wizz Air» ավիաընկերությունը սկսել է Վենետիկ-Երևան-Վենետիկ երթուղով չվերթեր իրականացնել: Տեղեկությունը հայտնում է «Արմենիա» միջազգային օդանավակայաններ» ՓԲԸ-ն:
Թռիչքներն իրականացվում են շաբաթական երկու անգամ՝ յուրաքանչյուր հինգշաբթի և շաբաթ:
Ավիատոմսերի վերաբերյալ տեղեկություններ ստանալու համար կարելի է այցելել wizzair.com կայք կամ կապ հաստատել տեղական տուրիստական գործակալությունների հետ:
Հիշեցնենք, որ հունգարական բյուջետային «Wizz Air» ավիաընկերությունը հայկական շուկա է մտել 2019 թվականին։ Առաջին չվերթերն իրականացվել են դեպի Վիեննա և Վիլնյուս։
Sputnik Արմենիա