Վիգեն ՀԱԿՈԲՅԱՆ․ ՀԱՅԱՍՏԱՆԻ ԻՇԽԱՆՈՒԹՅՈՒՆՆԵՐԸ ՀԵՏԶՀԵՏԵ ԵՐԿԻՐԸ ՎԵՐԱԾԵՑԻՆ ՍԻՐԻԱՅԻ (ՏԵՍԱՆՅՈՒԹ)
Հայաստան ԵՄ-ի առաքելություն ուղարկելու կապակցությամբ Ռուսաստանն աննախադեպ կոշտ հայտարարությամբ հանդես եկավ, սա նախազգուշացում է և այնպիսի տպավորություն է, որ վերջին նախազգուշացումն է: Այս մասին հունվարի 27-ին կայացած քննարկման ժամանակ հայտարարեց քաղտեխնոլոգ Վիգեն Հակոբյանը։
Նրա կարծիքով՝ պատահական չէ, որ Մոսկվայի այդ հայտարարությանն արձագանքեց Պետդեպարտամենտը, հայտարարելով, որ ԱՄՆ-ն կապ չունի խաղաղապահների հետ, սակայն մյուս հարցերի առնչությամբ պատրաստվում է մասնակցություն ունենալ:
Նրա գնահատմամբ՝ սա խոսում է այն մասին, որ ԱՄՆ-ն ընդունել է Ռուսաստանի մարտահրավերը:
«Հայաստանի տարածքն ուղղակիորեն դառնում է աշխարհաքաղաքական բախումների դաշտ: Հայաստանի իշխանությունները հետզհետե երկիրը վերածեցին Սիրիայի: Շատ բան արդեն կարող է մեզանից կախված չլինել: Հայաստանի տարածքում բառացիորեն կարող են մարտեր անցկացվել», – ընդգծեց նա:
Փորձագետը հիշեցրեց նաև Իրանում Ադրբեջանի դեսպանատանը տեղի ունեցած միջադեպը՝ տարածաշրջանում իրավիճակը պայթյունավտանգ անվանելով։
«Դա Հայաստանին մոտ է, և կարծում եմ, որ ուղղակիորեն կապված է մեզ հետ»,- եզրափակեց քաղտեխնոլոգը։