Պուտինը պատրաստակամություն է հայտնել օգնել Սիրիային և ցավակցել է Էրդողանին
Ռուսաստանի նախագահ Վլադիմիր Պուտինը երկրաշարժի բազմաթիվ զոհերի հետ կապված ցավակցություն է հայտնել Սիրիայի նախագահ Բաշար Ասադին և Թուրքիայի նախագահ Էրդողանին` նշելով, որ Մոսկվան պատրաստ է անհրաժեշտ օգնություն ցուցաբերել։ Համապատասխան հեռագրերը հրապարակված են Կրեմլի կայքում։
«Հարգելի պարոն նախագահ, կցանկանայի անկեղծ ցավակցություն հայտնել Սիրիայի հյուսիսային շրջաններում տեղի ունեցած երկրաշարժի ողբերգական հետևանքների առնչությամբ։ Կիսում ենք հարազատներ կորցրած մարդկանց վիշտն ու ցավը, հուսով ենք, որ բոլոր տուժածները շուտ կապաքինվեն և պատրաստ ենք անհրաժեշտ աջակցություն ցուցաբերել աղետի հետևանքները վերացնելու համար», – ասվում է Ասադին ուղղված հեռագրում։
Թուրքիայի նախագահին ուղղված հեռագրում Պուտինն անկեղծ ցավակցական խոսքեր է հղել զոհվածների հարազատներին, ինչպես նաև շուտափույթ ապաքինում մաղթել երկրաշարժից տուժածներին` պատրաստակամություն հայտնելով անհրաժեշտ օգնություն ցուցաբերել։
Sputnik Արմենիա
