2023-02-09 12:28
Լրատվական գործակալություններ
0
«Հրապարակ». ՓԱՇԻՆՅԱՆԻ ՎԱԽԵՐԸ ԺԱՄԱՆԱԿԻ ՀԵՏ ԱՃՈՒՄ ԵՆ
«Հրապարակ» թերթը գրում է. «Նիկոլ Փաշինյանի վախերը ժամանակի հետ աճում են։ Երեկ ԱԺ մուտքի անցակետում ՊՊԾ աշխատակիցները մեր լրագրողից պահանջել են բացել հեռախոսի էկրանը, որպեսզի հավաստիանան, որ հեռախոսը «մուլյաժ չէ»:
Հարցին, թե երբ և ինչու է նման որոշում ընդունվել, աշխատակիցներից մեկն ասել է՝ անվտանգության նկատառումներից ելնելով, չմանրամասնելով, թե ում անվտանգության մասին է խոսքը: Եվ բացատրել է. «Հեռախոսի փոխարեն կարող են պայթուցիկ նյութ մտցնել խորհրդարան»։
Ուշագրավ է, որ ընդամենը մեկ օր առաջ նման պահանջ չէին ներկայացնում: Երեկ կառավարություն-ԱԺ հարցուպատասխանի օրն էր, որին ներկա էր նաև վարչապետ Փաշինյանը, այսինքն՝ անվտանգության խստացված ռեժիմը գործում է միայն վարչապետի այցի օրերին»։