Մարգարայի կամրջի վիճակը ՀՀ տարածքային կառավարման նախարարությունը դեռ չի ստուգել

ՀՀ տարածքային կառավարման և ենթակառուցվածքների նախարարությունը Թուրքիայի հետ սահմանին գտնվող Մարգարայի կամրջի վրա ուսումնասիրություններ չի իրականացրել։ Այս մասին Sputnik Արմենիայի հարցմանն ի պատասխան հայտնել են նախարարությունից։

Ավելի վաղ «Ժողովուրդ» օրաթերթը հայտնել էր, որ 2022 թվականի դեկտեմբերին Արարատի մարզում հայ-թուրքական աշխատանքային խմբերի հանդիպումից հետո սահմանից ոչ հեռու Մարգարայի կամրջից նմուշներ են վերցվել։

«Հայտնում ենք, որ Մարգարայի կամրջի ուսումնասիրություններ ՀՀ տարածքային կառավարման և ենթակառուցվածքների նախարարության կողմից չեն իրականացվել, և կամրջի առկա վիճակի վերաբերյալ հստակ տեղեկատվություն չկա»,– ասված է հաղորդագրությունում։