«Հայաստան» խմբակցության ղեկավարը ներկայացրել է ընդդիմության առաջնահերթությունները

«Հայաստան» խորհրդարանական ընդդիմադիր խմբակցության համար Արցախի, նրա շուրջ ստեղծված իրավիճակի և բանակի հետ կապված հարցերը շարունակում են առաջնահերթ մնալ։ Այս մասին Ազգային ժողովում, ավանդական ճեպազրույցների ժամանակ, փետրվարի 13-ին ասել է խմբակցության ղեկավար, հանրապետության պաշտպանության նախկին նախարար Սեյրան Օհանյանը, որի դեմ քրեական հետանդում է վարվում։

Օհանյանի խոսքով՝ խորհրդարանական ընդդիմադիր խմբակցությունն ընթացիկ շրջանում ակտիվ մասնակցություն է ունեցել ԱԺ-ի բոլոր քննարկումներին։ «Դրանց բոլորի վերաբերյալ ընդդիմությունը հայտնել է իր կարծիքը։ Կան նաև ավելի կարևոր թեմաներ, ինչպես նաև հարցեր, որոնցում մեր շեշտադրումը նշանակություն ունի»,- ասել է Օհանյանը՝ նշելով Լաչինի միջանցքի ապաշրջափակման և բանակում տիրող իրավիճակի խնդիրները։

News.am