ՌԴ խաղաղապահները Գորիս-Ստեփանակերտ երթուղով հումանիտար բեռով շարասյուն են ուղեկցել

Ռուսական խաղաղապահ կոնտինգենտը Գորիս-Ստեփանակերտ երթուղով ուղեկցել է հումանիտար բեռով շարասյուն։ Տեղեկությունը հայտնում է ՌԴ ՊՆ մամուլի ծառայությունը։

Նշվում է, որ ՌԴ խաղաղապահ ուժերի հրամանատարությունը շարունակում է ադրբեջանական և հայկական կողմերի հետ Ստեփանակերտ-Գորիս ճանապարհով ավտոմոբիլային տրանսպորտի անխոչընդոտ տեղաշարժը վերսկսելու շուրջ բանակցային գործընթացը։

Մարտակերտի, Մարտունու շրջաններում և Լաչինի միջանցքում պարեկություն է իրականացվել երեք երթուղիներով։

Sputnik Արմենիա