Իսրայելը հարվածներ է հասցրել Հալեպի օդանավակայանին

Իսրայելական ավիացիան հրթիռային հարված է հասցրել Հալեպի միջազգային օդանավակայանի ուղղությամբ։ Հարձակումն իրականացվել է Միջերկրական ծովից, հայտնել է Սիրիայի պաշտպանության նախարարությունը։

«Առավոտյան ժամը 3.55-ին Իսրայելը մի քանի հրթիռային հարված է հասցրել Միջերկրական ծովից՝ Լաթաքիայից արևմուտք՝ գրոհելով Հալեպի միջազգային օդանավակայանի տարածքը»,- ասվում է հաղորդագրության մեջ։

Պաշտպանության նախարարության տվյալներով՝ ագրեսիայի հետևանքով նյութական վնաս է հասցվել Սիրիայի հյուսիսային մայրաքաղաքի օդանավակայանին։

ShantNews.am