ԿԽՄԿ ներկայացուցիչները դեռևս չեն տեսակցել ՀՀ-ում ձերբակալված ադրբեջանցիներին

Կարմիր խաչի միջազգային կոմիտեի ներկայացուցիչները դեռևս չեն տեսակցել ՀՀ-ում ձերբակալված երկու ադրբեջանցի զինծառայողներին։ Sputnik Արմենիայի հետ զրույցում տեղեկությունը հայտնեց ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։

«ԿԽՄԿ-ն տեղեկացված է ադրբեջանցիների դեպքի մասին և կապի մեջ է նրանց ընտանիքների և համապատասխան իշխանությունների հետ։ ԿԽՄԿ ներկայացուցիչները դեռևս չեն տեսակցել ադրբեջանցիներին, սակայն այդ հարցի շուրջ երկխոսությունն ընթանում է»,– ասաց նա։

ԿԽՄԿ-ն Ադրբեջանում պահվող հայ գերիներին տեսակցել է ապրիլին։