Հարցում Ադրբեջանում. հարցվածների 76,8 տոկոսը հայտարարել է, որ Իրանը պաշտպանում է Հայաստանի շահերը

Սոցիալական հետազոտությունների ադրբեջանական կենտրոնը հարցում է անցկացրել ադրբեջանա-իրանական հարաբերությունների և Իրանի տարածաշրջանային շահերի վերաբերյալ։

Ինչպես հաղորդում է АПА գործակալությունը, հարցվածների 76,8 տոկոսը հայտարարել է, որ Իրանը պաշտպանում է Հայաստանի շահերը տարածաշրջանում, այսինքն՝ փորձում է իր տարածաշրջանային շահերն իրականացնել Հայաստանի միջոցով: Հարցման մասնակիցների 5,5 տոկոսը նշել է, որ Իրանը չեզոք դիրքորոշում ունի Հայաստանի և Ադրբեջանի նկատմամբ, և հարցվածների միայն 3,4 տոկոսն է ասել, որ Իրանի համար առաջնային է Ադրբեջանի շահերը:

Պատասխանելով «ո՞ր գործոնը Ադրբեջանը պետք է ամենից շատ հաշվի առնի Իրանի հետ հարաբերություններում» հարցին, հարցվածների 35,7 տոկոսն ասել է, որ Իրանի հետ հարաբերություններում Ադրբեջանը պետք է հաշվի առնի այն, որ այդ երկիրն աջակցում է Հայաստանին։ 29,7 տոկոսը նշել է, որ Իրանի հետ Ադրբեջանի հարաբերություններում պետք է հաշվի առնել պատմական արմատներն ու հարևան հարաբերությունները: Մասնակիցների միայն 1,6 տոկոսն է պատասխանել, որ Իրանը պատժամիջոցների տակ գտնվող աշխարհում մեկուսացված երկիր է, իսկ 7,0 տոկոսը նշել է այլ գործոններ: Հարցվածների 64,8 տոկոսը մարտին տեղի ունեցած զինված միջադեպերը (հարձակում հիպերմարկետի վրա, պատգամավորի դեմ մահափորձ) կապել է արտաքին միջամտության փորձերի և սադրանքների հետ:

News.am