Հայաստանը կմիանա արտակարգ իրավիճակների դեպքում փոխօգնության մասին ԱՊՀ համաձայնագրին

Հայաստանը կմիանա արտակարգ իրավիճակների դեպքում փոխօգնության մասին ԱՊՀ համաձայնագրին, բայց Ադրբեջանի մասով վերապահումով։ Այս մասին մայիսի 2-ին Ազգային ժողովի նիստում սանիտարահամաճարակային արտակարգ իրավիճակներում փոխադարձ օգնության մասին ԱՊՀ համաձայնագրի քննարկման ժամանակ հայտարարեց հանրապետության առողջապահության փոխնախարար Լենա Նանուշյանը:

Փաստաթուղթը, նրա խոսքով, ստորագրվել է 2022 թվականի նոյեմբերին Աստանայում ԱՊՀ երկրների վարչապետների գագաթաժողովի ժամանակ։ «Դրա նպատակն է ամրապնդել մասնագետների թիմերի, մասնավորապես բժիշկ-համաճարակաբանների և սանիտարների փոխգործակցությունը, ինչպես նաև մշակել նրանց հնարավոր տեղափոխումը սանիտարահամաճարակային բնույթի արտակարգ իրավիճակների գոտիներ, որոնք գտնվում են համաձայնագրի մասնակից երկրների տարածքներում»,-պարզաբանեց Նանուշյանը:

Սակայն համաձայնագիրը, որը ներկայացվել է ԱԺ վավերացմանը, Հայաստանի կառավարությունը ստորագրել է՝ հաշվի առնելով հատուկ կարծիքը։ Այսպես, կառավարությունը հնարավոր չի համարում այդ համաձայնագրի կիրառումն Ադրբեջանի տարածքում՝ ընդհուպ մինչև վերջինիս կողմից 2022 թվականի նոյեմբերի 9-ի եռակողմ հայտարարության դրույթների կատարումը, ինչպես նաև մինչև Հայաստանի Հանրապետության օկուպացված տարածքների ազատագրումը։

News.am