Մեծ Բրիտանիայի պաշտպանության նախարարը չհայտարարված այցով ժամանել է Կիև

Մեծ Բրիտանիայի պաշտպանության նախարար Բեն Ուոլեսը չհայտարարված այցով ժամանել է Կիև։

«Ալեքսեյ Ռեզնիկովը և Բեն Ուոլեսը քննարկել են Մեծ Բրիտանիայում ուկրաինացի զինվորականների պատրաստությունը շարունակելու հարցերը»,-ասվում է նախարարության կայքում։

Ուկրաինայի պաշտպանության նախարարի հետ հանդիպման ժամանակ Ուոլեսը հայտարարել է, որ ամեն անգամ գոհունակություն է զգում, երբ այցելում է Կիև և շփվում ուկրաինացի զինվորականների հետ: Իր հերթին, Ռեզնիկովը հայտնել է, որ նախարարները հանդիպել են օդաչուների հետ, որոնք վերապատրաստվել են Մեծ Բրիտանիայում և արդեն կիրառում են Storm Shadow մեծ հեռահարության թևավոր հրթիռները:

News.am