Փաշինյան․ Գուցե Ստեփանակերտում կասկածով են վերաբերվում Բաքվի պատրաստակամությանը

ՀՀ վարչապետ Նիկոլ Փաշինյանն Արցախի գործընկերներին կոչ է անում համապատասխան պատրաստակամությամբ վերաբերվել Բաքու–Ստեփանակերտ երկխոսության օրակարգին։ Այս մասին նա ասաց Ազգային ժողովում կառավարության հետ հարցուպատասխանի ժամանակ։

«Կարծում եմ` ճիշտ բանաձև է Ստեփանակերտ–Բաքու երկխոսությունը միջազգային մեխանիզմի շրջանակում, Լեռնային Ղարաբաղի հայության իրավունքների և անվտանգության ապահովման վերաբերյալ։ Կարծում եմ` դա ճիշտ ճանապարհ է»,–ասաց Փաշինյանը։

Միևնույն ժամանակ Փաշինյանն ընդգծեց, որ Բաքուն ևս պետք է նման պատրաստակամություն ունենա։

«Որովհետև գուցե Ստեփանակերտում կասկածով են վերաբերվում Բաքվի պատրաստակամությանը, և գուցե դա է պատճառը Արցախի իշխանությունների նման ռեակցիայի»,–ասաց նա։

Sputnik Արմենիա