Դավիթ ԲԱԲԱՅԱՆ․ ՄԵՆՔ ՄԵՐ ՊԱՏՄՈՒԹՅԱՆ ԱՄԵՆԱԿԱՐևՈՐ ԽԱՉՄԵՐՈՒԿՈՒՄ ԵՆՔ
ԱՀ նախագահի խորհրդական Դավիթ Բաբայանը գրել է․
«Հայաստանի կողմից Արցախից հրաժարվելը կհանգեցնի հայ ժողովրդի պատմության ամենաարմատական վերափոխումների։ Ներկայիս Հայաստանի գլխին կախված կլինի մահացու սպառնալիք, որը գրեթե անհնար կլինի չեզոքացնել: Բացի այդ, վերաֆորմատավորվելու են հենց «Հայաստան» և «հայեր» հասկացությունները։
Աշխարհագրությամբ արդեն բաժանված, իսկ վերջին մի քանի տարիների ընթացքում էթնոքաղաքական հակասություններով լի հայ ժողովուրդը կարող է պարզապես տրոհվել։ Տեղի կունենա Սփյուռքի օտարացում պատմական հայրենիքից, ինքնության ճգնաժամ կսկսվի հայ ժողովրդի և նրա պետականության ԴՆԹ-ի գլխավոր պահապաններից մեկում՝ ղարաբաղյան հատվածում, Հայաստանի բնակչության մի զգալի տոկոսը ամաչելու է իրեն հայ անվանել։
Բարդ ու ողբերգական էջերով լի, բայց փառավոր մեր անցյալի ու անհասկանալի ներկայի միջև անջրպետ կստեղծվի, որի արդյունքը կլինի անհույս ապագան։ Իսկապես, մենք մեր պատմության ամենակարևոր խաչմերուկում ենք...»