Հրանտ ԲԱԳՐԱՏՅԱՆ․ ՓԱՇԻՆՅԱՆԻ ԳՈՐԾՈՒՆԵՈՒԹՅԱՆ «ՇՆՈՐՀԻՎ» ԱՐՑԱԽԻ ՄԱՀՎԱՆ ԴԱՏԱՎՃԻՌԸ ԿԱՅԱՑՎԱԾ Է
Փաշինյանի գործունեության «շնորհիվ» Արցախի մահվան դատավճիռը կայացված է և դուք բանտում պարզապես սպասում եք դրա իրագործմանը։ Այս մասին իր ֆեյսբուքյան էջում գրել է ՀՀ նախկին վարչապետ Հրանտ Բագրատյանը՝ անդրադառնալով նախօրեին ԱՀ արգործնախարար Սերգեյ Ղազարյանի հարցազրույցի ընթացքում հնչեցված մտքերին:
«Հայաստանի և Արցախի միջև միջգերատեսչական համագործակցություն կա, բայց դա չի նշանակում, որ մենք բոլոր հարցերի շուրջ ունենք նույն տեսակետները։ «Ինչպես ասացի, համագործակցություն կա, բայց կան նաև հարցեր, որոնց վերաբերյալ մեր կարծիքները տարբերվում են»։ Սա ասում է Արցախի ԱԳՆ Սերգեյ Ղազարյանը։
Հետաքրքիր կլիներ նրան հարցնել, իսկ որ հարցերում է, որ ձեր տեսակետը համընկնում է ՀՀ իշխանությունների հետ։ Փաշինյանի գործունեության «շնորհիվ» Արցախի մահվան դատավճիռը կայացված է և դուք բանտում պարզապես սպասում եք դրա իրագործմանը։ Այդքանից հետո այսքան դելիկատ մեկնաբանությու՞ն»,- գրել է նա։