Ադրբեջանը բետոնե արգելապատնեշ է դրել Արցախը Հայաստանին կապող միակ ճանապարհին (ՏԵՍԱՆՅՈՒԹ)
Ադրբեջանը բետոնե արգելապատնեշ է տեղադրել Լաչինի միջանցքում ու փակել Արցախը Հայաստանին կապող միակ ճանապարհը։ Այս մասին վկայող տեսանյութ է հրապարակել Արցախի տեղեկատվական շտաբը։ Տեսանյութում երևում է` ինչպես են ադրբեջանցիները վերամբարձ կռունկով արգելապատնեշները տեղադրում ճանապարհին։
Նշվում է, որ ադրբեջանական հերթական այս սադրանքը տեղի է ունեցել հունիսի 22-ին։
«Փաստորեն, բացի անցակետի ապօրինի տեղադրումից և զրահատեխնիկայի տեղադրման միջոցով ճանապարհը փակելուց, Ադրբեջանն այժմ ցուցադրաբար արգելափակում է ճանապարհը՝ խոչընդոտելով ցանկացած երթևեկության, այդ թվում՝ Կարմիր խաչի և ռուս խաղաղապահների մեքենաների համար»,– ասվում է տեսանյութին կից:
Շեշտվում է, որ սա հերթական անգամ բացահայտում է Ադրբեջանի իշխանությունների հանցավոր նպատակները, այն է` արտաքին աշխարհից լիովին մեկուսացնել Արցախի ժողովրդին, բռնաճնշումներ կիրառել։
Sputnik Արմենիա