Նիկոլայ ՍԻԼԱԵՎ․ ՀՀ-Ն ՂԱՐԱԲԱՂԸ ՈՐՊԵՍ ԱԴՐԲԵՋԱՆԻ ՄԱՍ Է ՃԱՆԱՉԵԼ, ԴԱ ՓՈԽՈՒՄ Է 2020-Ի ՆՈՅԵՄԲԵՐԻ 9-Ի ՀԱՅՏԱՐԱՐՈՒԹՅԱՆ ՊԱՅՄԱՆՆԵՐԸ
Հայաստանը Լեռնային Ղարաբաղը որպես Ադրբեջանի տարածք է ճանաչել, և դա Հայաստանի ղեկավարության գործն է։ Սակայն դա փոխում է 2020 թվականի նոյեմբերի 9-ի եռակողմ հայտարարության պայմանները։ Այս մասին News.am-ի թղթակցի հետ զրույցում ասաց ՌԴ ԱԳՆ ՄԳԻՄՕ-ի Ժողովրդական հետազոտությունների ինստիտուտի առաջատար գիտաշխատող, քաղաքագետ Նիկոլայ Սիլաևը։
Նրա խոսքով` այս պայմաններում չի կարելի Լեռնային Ղարաբաղի հայ բնակչության ճակատագրի պատասխանատվությունը երրորդ երկրների վրա դնել։
«Այն բանից հետո, երբ Հայաստանը Լեռնային Ղարաբաղը որպես Ադրբեջանի տարածք ճանաչեց, ստեղծվեց մի իրավիճակ, երբ Ռուսաստանը կարող է ծայրահեղ լինել։ Հայաստանի պետական քարոզչության մեջ ակնհայտ էր Ռուսաստանին Լեռնային Ղարաբաղի բնակչության բոլոր անախորժությունների մեջ մեղադրելու գիծը»,- ասաց Սիլաևը։
Ռուսաստանի Դաշնության արտաքին գործերի նախարարության հայտարարությունը, ինչպես նշեց փորձագետը, նպատակ ունի հետ մղել նման մեղադրանքները։
«Ավելին, դրանք լիովին անարդար են»,- ընդգծեց ռուս քաղաքագետը։