«Ժողովուրդ»․ ԱՌԱՋԻՆ ԴԵՊՔԸ ՉԷ, ԵՐԲ ԳԱՂՏՆԻ ԿԵՏ ՈՒՆԵՑՈՂ ՀԱՐՑՈՎ ԲՅՈՒՋԵԻՑ ԳՈՒՄԱՐ Է ՏՐԱՄԱԴՐՎՈՒՄ
«Ժողովուրդ» թերթը գրում է. «Պետական սեփականություն հանդիսացող կառույցների ու տարածքների պայմանների բարելավման ապահովման նպատակով ՀՀ կառավարության պահուստային ֆոնդից վարչապետի աշխատակազմին կհատկացվի 592 մլն 26 հազար դրամ:
«Ժողովուրդ» օրաթերթը պաշտոնական աղբյուրներից տեղեկացավ, որ նման որոշում կընդունվի կառավարության նիստում։ Նախագիծը ընդգրկված է չզեկուցողների շարքում և նաև գաղտնի կետ է պարունակում։
Նկատենք, որ սա առաջին դեպքը չէ, երբ գաղտնի կետ ունեցող հարցով բյուջեից գումար է տրամադրվում։ Իսկ ինչո՞ւ է գաղտնի. այն պարզ պատճառով, որ մոտ 1.5 մլն դոլար Նիկոլ Փաշինյանը հատկացնում է ինչ-որ շենքային պայմանների բարելավման համար:
Սա՝ այն դեպքում, երբ սահմանամերձ բնակավայրերում անգամ կենսական ջրի ու կենցաղային խնդիրներ կան, դպրոցներ ու մանկապարտեզներ կան, որ տարիներով չեն նորոգվում»։