Ի՞նչ է քննարկել Միրզոյանը Լավրովի հետ
ՀՀ արտաքին գործերի նախարար Արարատ Միրզոյանը ՌԴ արտգործնախարար Սերգեյ Լավրովի հետ հանդիպմանը քննարկել է Լեռնային Ղարաբաղի հումանիտար ճգնաժամը։ Տեղեկությունը հայտնում է ԱԳՆ մամուլի խոսնակ Անի Բադալյանը։
Ավելի վաղ տեղեկացրել էինք, որ այսօր Մոսկվայում կայացել է ՀՀ ԱԳ նախարար Արարատ Միրզոյանի և ՌԴ արտգործնախարար Սերգեյ Լավրովի երկկողմ հանդիպումը, որին հաջորդել է Ադրբեջանի ԱԳ նախարար Ջեյհուն Բայրամովի հետ եռակողմ հանդիպումը։ Եռակողմ փակ հանդիպումից առաջ ՀՀ արտգործնախարարը հայտարարել էր, որ Ադրբեջանի կողմից Լաչինի միջանցքի ապօրինի շրջափակման հետ կապված իրավիճակը Լեռնային Ղարաբաղում բարդացնում է բանակցային գործընթացը:
«Լավրովի հետ հանդիպման ընթացքում շեշտվել է Հարավային Կովկասում անվտանգության իրավիճակը, Լաչինի միջանցքի ապօրինի շրջափակման հետևանքով Լեռնային Ղարաբաղում հումանիտար ճգնաժամի վատթարացումը, սննդի և դեղորայքի բացակայությունը, կոնկրետ քայլերի հրատապությունը»,– գրել է Բադալյանը Twitter-ում։
Sputnik Արմենիա