Արամ Ա կաթողիկոս․ Արցախը միշտ եղել է մերը, արցախցիները եկվորներ չեն, ծնունդն են այդ հողի
Արցախում և Երևանում անցկացվող միաժամանակյա հանրահավաքի ժամանակ տեսաուղերձով է հղել Մեծի Տանն Կիլիկիո Արամ Ա կաթողիկոսը։
«Մենք, որպես Մեծի Տանն Կիլիկո Կաթողիկոսություն, մեր միաբանությամբ, թեմերով, կառուցյներով, մարմիններով ձեզ հետ ենք, Արցախ, ձեզ հետ է ամբողջ սփյուռքը։ Քաջ գիտենք, որ Արցախն իր ժամանակակից պատմության ամենաճակատագրական պահն է ապրում։ Այս կացության դիմաց մենք բոլորս պետք է մեր հավատքը և կամքն ավելի ամրապնդենք, և Արցախի ապագայի նկատմամբ մեր տեսլականը պահենք պայծառ։ Անցյալում Արցախը մերն է, այսօր մերն է, և միշտ պետք է մնա Արցախի ժողովրդինը, որովհետև մեր ժողովուրդը պատմության ողջ ընթացքում ժողովուրդը եղել է Արցախում և իր քրտինքը միախառնել է Արցախի հողին։ Արցախի հողում մեր ժողովրդի արժեքներն են, սրբություններն ու ավանդությունները։ Նայեցեք պատմությանը՝ Արցախը միշտ եղել է ինքնավար, արցախցիները եկվոր չեն, ծնունդն են Արցախի»,- ասաց կաթողիկոսը։
News.am