Միջազգային քրեական դատարանի հիմնադիր դատախազը զեկույց կպատրաստի Արցախում տիրող իրավիճակի մասին

Միջազգային քրեական դատարանի հիմնադիր դատախազ Լուիս Մորենո Օկամպոն մեկ շաբաթից զեկույց կպատրաստի Արցախում Ադրբեջանի կողմից իրականացվող ցեղասպան քաղաքականության մասին: Այս մասին նա տեղեկացրել է Թվիթերի իր միկրոբլոգում՝ հայտնելով, որ դա անում է Արցախի նախագահի խնդրանքով: Իր գրառումներում նա մասնավորապես ասել է.

«Արցախի նախագահը հարցրել է՝ ադրբեջանական շրջափակումը նոր ցեղասպանությո՞ւն է հայերի դեմ։ Ինձ համար պատիվ է օգնել:

Ադրբեջանի նախագահն այսօր ցեղասպանություն է իրականացնում: Նա կարող է կանխել ցեղասպանությունն Արցախում և Հայաստանում: #StopArmenianGenocideInArtsakh #StopArmenianGenocide2023»,- գրել է Լուիս Մորենո Օկամպոն:

AlphaNews.am