2023-08-11 19:31
Լրատվական գործակալություններ
0
Էդիկ ԲԱՂԴԱՍԱՐՅԱՆ․ 44-ՕՐՅԱՅԻ ՏԱՐԵԼԻՑԻՑ 4 ՕՐ ԱՌԱՋ ԿԱՌԱՎԱՐՈՒԹՅՈՒՆԸ ՄԵԾ ՀԱՄԵՐԳ Է ԿԱԶՄԱԿԵՐՊՈՒՄ
Սեպտեմբերի 23-ին՝ 44-օրյա պատերազմի տարելիցից 4 օր առաջ, կառավարությունը մեծ համերգ է կազմակերպում, ֆեյսբուքյան էջում գրել է «Հետք»-ի գլխավոր խմբագիր Էդիկ Բաղդասարյանը։
«Փոխվարչապետերը, նախարարներն այսօր կառավարության նիստին խոնարհ նստած էին: Ու, չնայած նրանցից ոմանք դեմ էին այդ որոշմանը, բայց լռել են: Լուռ ու հնազանդ են բոլորը: Մեկդ, գոնե մեկդ ըմբոստացեք էդ որոշմանը: 6 միլիոն դոլար ենք ծախսելու: Այդ 6 միլիոնը հատկացրեք քաղցկեղով հիվանդ երեխաների բուժմանը: Արցախում սնունդ ու դեղորայք չկա, չգիտենք, թե ամեն րոպե ինչ կարող է տեղի ունենալ այնտեղ, սահմաններին: Այս ֆոնին ինչո՞ւ եք այդ տոնակատարությունը կազմակերպում: Չեղարկեք այդ համերգը: Եվ, ընդհանրապես, կառավարությունն ի՞նչ գործ ունի համերգ կազմակերպելու հետ», գրել է նա։