Տիգրան ԱԲՐԱՀԱՄՅԱՆ․ ԻՇԽԱՆՈՒԹՅԱՆ ԱՆՏԱՐԲԵՐՈՒԹՅՈՒՆԸ ՄԱՐԴԿԱՅԻՆ ԿՅԱՆՔԻ ՆԿԱՏՄԱՄԲ ԲԵՐՈՒՄ Է ՆԱԵՎ ԽԱՂԱՂ ԻՐԱՎԻՃԱԿՈՒՄ ՄԱՐԴԿԱՅԻՆ ԿՈՐՈՒՍՏՆԵՐԻ
Վերջին 2 ամսում գրեթե ամենօրյա ռեժիմով մահվան ելքով ճանապարհատրանսպորտային պատահարների մասին լրահոսը, կարծես, սովորական բնույթ է ստացել: Իսկ ահա այսօր արդեն հաղորդվում է խոշոր վթարի մասին, որի հետևանքով 11 մարդ է մահացել: Այդ մասին գրել է ԱԺ պատգամավոր Տիգրան Աբրահամյանը՝ ավելացնելով․
«Առաջին բանը, որը մտքիդ գալիս է, իհարկե, երկրում առկա բարդակն է, որտեղ ամենուրեք հանցագործություն է` կենցաղայինից մինչև վերին էշելոն:
Այս ողբերգությունը միայն մեկ գերատեսչության տապալման մասին չի խոսում, սա խոսում է կառավարման քաոսի մասին:
Ի դեպ, երբ հաճախ խոսում ենք Արցախի կամ անվտանգության խնդրի հետ կապված անտարբերության մասին, դրանք բացառություններ չեն: Իշխանության անտարբերությունը մարդկային կյանքի նկատմամբ բերում է նաև խաղաղ իրավիճակում մարդկային կորուստների, իսկ ժամանակին դրանց ուսումնասիրությունն ու անհրաժեշտ կանխարգելիչ քայլերի ձեռնարկումը կարող էր կյանքեր փրկել, իրավիճակ փոխել», - նշել է նա: