Դարդանելի նեղուցի մոտ անտառային հրդեհի մարման աշխատանքներին մոտ 2,7 հազար մարդ է ներգրավված

Թուրքիայի ներքին գործերի նախարարությունը հայտնել է, որ Չանաքալե նահանգում՝ Դարդանելի նեղուցի մոտ, անտառային հրդեհի մարման աշխատանքներին մոտ 2,7 հազար մարդ է ներգրավված։

Բացի այդ, հրդեհաշիջման աշխատանքներին մասնակցում է 8 ինքնաթիռ, 26 ուղղաթիռ, շուրջ 640 միավոր ցամաքային տեխնիկա:

Տարհանվել է 72 մարդ Սարըջայելի գյուղի ծերանոցից։

Ավելի վաղ Դարդանելի նեղուցում նավագնացությունը ժամանակավոր դադարեցվել էր։

Օդերևութաբանների կանխատեսումների համաձայն՝ Չանաքալեում օդի ջերմաստիճանը գերազանցում է 30 աստիճանը։

News.am