«Մայր Հայաստան» դաշինքը ԱԱԾ պահեստի սպաների միության հետ համագործակցության հուշագիր է ստորագրել

«Մայր Հայաստան» դաշինքը, որը մասնակցում է Երևանի ավագանու ընտրություններին, սեպտեմբերի 5-ին ԱԱԾ պահեստի սպաների միության հետ համագործակցության հուշագիր է ստորագրել։

Դաշինքի ղեկավար Անդրանիկ Թևանյանի խոսքով՝ դա ինքնատիպ ուղերձ է հայ հասարակությանը։

«Մեզ համար այդ ամենը շատ կարևոր է, և առաջնահերթ խնդիրներից մեկը անվտանգության հետ կապված հարցերն են»,- ընդգծել է Թևանյանը։

Դաշինքը, ինչպես նշել է քաղաքական գործիչը, մասնակցում է ընտրություններին միայն մի նպատակով. որպեսզի վերջ դնի գործող իշխանությանը և նրա վարած քաղաքականությանը։

«Մենք կարծում ենք, որ անվտանգության ոլորտում ճգնաժամի հաղթահարման հիմնական պայմանը արմատական իշխանափոխությունն է։ Մասնակցելով ավագանու ընտրություններին՝ մենք նաև փորձում ենք լուծել այդ խնդիրը։ Մենք կարծում ենք, որ Երևանում լիակատար իշխանափոխությունը կհանգեցնի դրա մերժմանն ամբողջ երկրում»,- ասել է ընդդիմադիր գործիչը։

News.am