Ալեքսեյ ԼԵՈՆԿՈՎ․ ԱՆԴՐԿՈՎԿԱՍՈՒՄ ԷՍԿԱԼԱՑԻԱՅԻ ՇԱՀԱՌՈՒՆԵՐԸ ԱՄՆ-Ն ՈՒ ՄԵԾ ԲՐԻՏԱՆԻԱՆ ԵՆ (ՏԵՍԱՆՅՈՒԹ)
Ռուս ռազմական փորձագետ Ալեքսեյ Լեոնկով-ը Alpha News-ի հետ զրույցում մեկնաբանել է Ադրբեջանի հետ Հայաստանի և Արցախի սահմանին լարվածության աճը:
«Հայաստանի և Արցախի շուրջ իրավիճակը բարդ է դասավորվում։ Երևում է, որ որոշակի լարվածություն և էսկալացիա է ընթանում, և այստեղ ամեն ինչ կախված չէ Ադրբեջանի դիրքորոշումից, որովհետև բոլորը հասկանում են, որ նրա դիրքորոշումը հիմնված է այն բանի վրա, թե ինչպես կնայեն դրան նրանք, ովքեր փորձում են կառավարել էսկալացիան Անդրկովկասում։ Հետաքրքրվածները երկուսն են՝ ԱՄՆ-ն ու Մեծ Բրիտանիան, որոնք այժմ բացահայտ պարտություն են կրում հատուկ ռազմական գործողությունում և ցանկանում են նոր «երկրորդ ճակատ» ստեղծել Անդրկովկասում։
Այն, ինչ կատարվում է Հայաստանում, դրա վառ ցուցիչն է։ Այսինքն՝ ցանկացած սադրանք կարող է դառնալ Casus belli, բայց հասկանալի է, որ «ֆաս» հրամանը կտրվի միայն այն ժամանակ, երբ դա անհրաժեշտ համարվի։ Այսինքն, Ադրբեջանը միայն այդ ժամանակ կարող է գնալ և այնտեղ ինչ-որ բան անել՝ հակամարտություն կամ գնդակոծություն, երբ դա համաձայնեցված լինի այն դերակատարների հետ, որոնք փորձում են Ռուսաստանին դուրս մղել Անդրկովկասից»,- հայտարարել է Լեոնկովը։
Ռազմական փորձագետը կանխատեսում է արել պաշտոնական Մոսկվայի գործողությունների վերաբերյալ, եթե Ադրբեջանը որոշի ներխուժել Արցախ:
«Ինչ է անելու Ռուսաստանն այս դեպքում։ Խաղաղապահները Ստեփանակերտում են, պետք է հիշել մեր խաղաղապահներին Հարավային Օսիայում: Երբ սկսվեցին ռազմական գործողությունները օսերի դեմ՝ նույն «երեք ութի պատերազմը»(08.08.2008 թ.), Ռուսաստանը զորքեր մտցրեց ոչ միայն իր խաղաղապահներին պաշտպանելու, այլև տեղի բնակչությանը ցեղասպանությունից ազատելու համար, որը ենթարկվել էր նման ագրեսիայի: Այսինքն՝ նույն սցենարը միանգամայն հնարավոր է կրկնել Արցախում», — կարծում է Լեոնկովը։
Alpha News-ի զրուցակիցը նաև ենթադրել է, թե ինչպես կզարգանա իրավիճակը Հայաստանի՝ պոտենցիալ հակամարտության մեջ մտնելու դեպքում։
«Եթե մենք խոսում ենք Գյումրիի ռազմաբազայի ճակատագրի մասին, ապա պետք է հասկանալ, որ ռուս զինծառայողների՝ այնտեղ գտնվելը պայմանավորված է բազմաթիվ միջկառավարական համաձայնագրերով, այդ թվում՝ համատեղ պաշտպանության մասին համաձայնագրով։ Մեր զինծառայողներից ազատվելու համար Հայաստանի ղեկավարությունը պետք է գնա աննախադեպ քայլի՝ խզել բարեկամության և համատեղ պաշտպանության մասին բոլոր պայմանագրերը։
Հասկանալի է, որ Հայաստանի ղեկավարությունը լայնամասշտաբ ռազմական գործողություններ սկսելու դեպքում պետք է դիմի Ռուսաստանի Դաշնությանը, որպեսզի այդ պայմանագիրն ուժի մեջ մտնի։ Բայց, ինչպես ցույց տվեց 44-օրյա պատերազմը, որն ընթանում էր Լեռնային Ղարաբաղի շուրջ, և նույնիսկ այն ժամանակ, երբ տուժում էին Հայաստանի արևելյան տարածքները, Հայաստանը դա չարեց։ Ուստի, այստեղ ամեն ինչ մի կողմից կգտնվի իրավական դաշտում, մյուս կողմից, հենց այդ պաշտպանական կամ ռուսական ազգային շահերի պաշտպանության Ալեքսեյ Լեոնկով, և կորոշվի Կրեմլում։
Մենք հասկանում ենք, որ Հայաստանում գերակշռում է ապակառուցողական վերաբերմունքը և ամեն կերպ գնում է Հայաստանի բնակչությանը հակառուսական հռետորաբանությամբ տրամադրվածությունը, բայց ամեն ինչ կարող է փոխվել ցանկացած պահի։ Եվ գուցե, նույնիսկ, այն Casus belli-ն էլ չպատահի, որ հանգեցնի այնպիսի ծանրագույն հետևանքների, որոնք կարող են առաջանալ։ Ցանկացած պատերազմ հեշտ է սանձազերծել և շատ դժվար է կանգնեցնել», — եզրափակեց փորձագետը։
«Ես կարծում եմ, որ Ռուսաստանն այժմ երկու սցենար է մշակում։ Առաջինն այն է, որ թույլ չտա այդ էսկալացիան, այսինքն՝ ներխուժումը։ Երկրորդ՝ ինչպես նա կգործի՝ հաշվի առնելով, թե ինչ է տեղի ունեցել 44-օրյա պատերազմի ժամանակ։ Եվ ես կարծում եմ, որ այս սցենարը կտարբերվի նրանից, ինչ եղել է 2020 թվականին», — ամփոփել է Ալեքսեյ Լեոնկովը: