ՍԱՄՎԵԼ ԲԱԲԱՅԱՆՆ ԻՐ ՀԱՅՏԱՐԱՐՈՒԹՅԱՄԲ ՀԱՐՎԱԾԻ ՏԱԿ Է ԴՐԵԼ ԱՅՆ ՄԱՐԴԿԱՆՑ, ՈՎՔԵՐ ԱԴՐԲԵՋԱՆԱԿԱՆ «Սև ՑՈՒՑԱԿՆԵՐՈՒՄ» ԵՆ․ Տիգրան ԱԲՐԱՀԱՄՅԱՆ
Արցախից անխոչընդոտ Հայաստան տեղափոխվելու մասին Սամվել Բաբայանի հայտարարությունը հարվածի տակ է դրել Արցախում գտնվող մյուս մարդկանց, հատկապես նրանց, ովքեր Ադրբեջանի ուշադրության կենտրոնում են, լրագրողների հետ զրույցում անդրադառնալով Արցախի Ախ նախկին քարտուղար Սամվել Բաբայանի՝ Հայաստան տեղափոխվելու մասին հայտարարությանը,ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
«Սամվել Բաբայանի հայտարարությունը հարվածի տակ է դրել այն մարդկանց, ովքեր հավանական ադրբեջանական սև ցուցակներում էին , և պատահական չէ, որ այդ հայտարարությունից հետո այսօր արդեն բազմաթիվ տեղեկություններ կան տարբեր մարդկանց մեքենաները շատ ավելի խիստ և մի քանի անգամ ստուգելու մասին, նկատելի է, որ որոշ կոնկրետ մեքենաների նկատմամբ կա առանձնահատուկ ուշադրություն»,- ասաց Տիգրան Աբրահամյանը՝ հավելելով, որ այլ մանրամասներ չի հայտնում, քանի որ վտանգավոր է համարում։
«Երեկվանից ադրբեջանական կողմը որոշակի միջոցառումներ ձեռնարկում է, և դա չի սահմանափակվում Ռուբեն Վարդանյանի հետ կատարվածով։ Ինչ վերաբերում է Ռուբեն Վարդանյանին, բնականաբար, ցանկացած հայի համար, անկախ քաղաքական դիրքորոշումից, մեկ այլ հայի ձերբակալությունը Ադրբեջանի կողմից ոչ միայն խիստ մտահոգիչ է, այլև պետք է բոլորիս մղի շատ ավելի ակտիվ գործողությունների՝ միջազգային կառույցների, տարբեր հիմնական դերակատարների հետ, որովհետև եթե սա չկանխվի, եթե Ադրբեջանի նկատմամբ լրացուցիչ ճնշումներ չլինեն, սա բերելու է նոր ձերբակալությունների»,- ընդգծեց Աբրահամյանը։
Այսօր