Վարուժան ԳԵՂԱՄՅԱՆ․ «ՏՐԱՆՍՊՈՐՏԱՅԻՆ ԱՊԱՇՐՋԱՓԱԿՈՒՄ» ԳԵՂԵՑԻԿ ԱՐՏԱՀԱՅՈՒԹՅՈՒՆԸ ՎԵՐԱԾՎՈՒՄ Է ՀԱՅԱՍՏԱՆԻ ԼԻԱՐԺԵՔ ՇՐՋԱՓԱԿՄԱՆ (Քարտեզ)

Կետերով բացատրեմ Փաշինյանի նոր ստորագրած փաստաթղթի հետևանքները, որով ճանաչվում է Ադրբեջանի տարածքային ամբողջականությունը (հետևանքներն են, ոչ թե բուն փաստաթուղթը)։

- Արձանագրելով Հայաստանի տարածքը 29800 քառակուսի կմ և Ադրբեջանինը՝ 86600՝ Ադրբեջանին ենք հանձնում Տավուշի և Արարատի մարզում գտնվող մի շարք տարածքներ (տե՛ս քարտեզի վրայի կարմիր բնակավայրերը)։

- Ադրբեջանը հրաժարվում է Հայաստանին տալ հայկական անկլավը (Արծվաշենը)։ Եթե նույնիսկ այդպիսի բան լինի (չի լինի), ապա Արծվաշենում, որը հեռու է ՀՀ-ից մոտ 7 կմ և բոլոր կողմերից շրջափակված է Ադրբեջանով, որևէ հայ մարդ բնակություն չի հաստատի։ Այսինքն՝ զիջման դիմաց մենք որևէ բան չենք ստանում։

- Տարածքային զիջումների արդյունքում Տավուշի, Արարատի և Վայոց Ձորի մարզերում մենք ստանում ենք Ադրբեջան-Թուրքիա ուղիղ ռազմական ներկայություն։

- Նույն տարածքային զիջումների արդյունքում Հայաստանը զրկվում է արտաքին աշխարհի հետ կապող իր երկու հիմնական անվտանգ ճանապարհներից։ Նոր զիջումներով թուրքերի վերահսկողության տակ կհայտնվեն Իրանի և Վրաստանի հետ կապող հիմնական ճանապարհները (դրանով իսկ կմեռնի «Հյուսիս-Հարավ» ճանապարհի նախագիծը)։

Այսինքն «տրանսպորտային ապաշրջափակում» գեղեցիկ արտահայությունը իրականության մեջ վերածվում է Հայաստանի լիարժեք շրջափակման՝ թուրքական շրջափակման։

Վարուժան Գեղամյան, պ.գ.թ., թյուրքագետ

Ֆեյսբուքյյան էջ