Սյունիքում ՌԴ գլխավոր հյուպատոսության բացումը կօգնի կայունացնել իրավիճակը տարածաշրջանում
ՀՀ Սյունիքի մարզի Կապան քաղաքում ՌԴ գլխավոր հյուպատոսության բացումը նոր քայլ կլինի համագործակցության զարգացման ուղղությամբ և կօգնի կայունացնել իրավիճակը երկրի հարավում։ Այս մասին Մեղրիում ՌԴ ԱԳՆ գլխավոր հյուպատոսության բացման առաջատար խմբի ղեկավար Անդրեյ Շանինը խոսել է Մեղրիի քաղաքապետ Բագրատ Զաքարյանի հետ:
«Քննարկվել են Սյունիքի մարզում Ռուսաստանի նոր հյուպատոսական գրասենյակի շուտափույթ բացման հեռանկարները, ինչը զգալիորեն կհեշտացնի Հայաստանի հարավում բնակվող ՌԴ քաղաքացիների հասանելիությունը հյուպատոսական ծառայություններին»,- հայտնում է ՀՀ-ում ՌԴ դեսպանությունը։
Նշվել է, որ նոր գլխավոր հյուպատոսությունը կնպաստի ռուս-հայկական հարաբերությունների հետագա ամրապնդմանը և տարածաշրջանում իրավիճակի կայունացմանը, ինչպես նաև կնպաստի մշակութային, հումանիտար, առևտրատնտեսական և միջտարածաշրջանային համագործակցության ընդլայնմանը։
Ավելի վաղ գրել էինք, որ Մոսկվայում հայ-ռուսական փորձագիտական կլոր սեղանի ժամանակ ՌԴ ԱԳՆ ԱՊՀ երկրների 4-րդ դեպարտամենտի տնօրենի տեղակալ Սերգեյ Պալտովը հայտնել Էր, որ Ռուսաստանի Դաշնությունը հյուպատոսություն կբացի ՀՀ Սյունիքի մարզում։
ՀՀ ԱԳՆ–ն դրական էր արձագանքել Սյունիքի մարզի Կապան քաղաքում ՌԴ հյուպատոսություն բացելու առաջարկությանը։
Sputnik Արմենիա