Պատրուշև․ Ադրբեջանի և Հայաստանի միջև խաղաղության պայմանագրի ստորագրման բոլոր նախադրյալները կան
Ադրբեջանի և Հայաստանի միջև խաղաղության պայմանագրի ստորագրման բոլոր նախադրյալները կան։ Այս մասին հայտարարել է Ռուսաստանի Անվտանգության խորհրդի քարտուղար Նիկոլայ Պատրուշևը՝ ելույթ ունենալով ԺՏՆՑ-ում, «Ռուսաստան» ցուցահանդես-համաժողովում, «Գիտելիք» ընկերության լեկտորիումի շրջանակում։
«Դրա համար բոլոր նախադրյալները կան»,- ասել է Պատրուշևը՝ խոսելով պայմանագրի ստորագրման հեռանկարների մասին։
Նա հիշեցրել է, որ ընթանում է Հայաստանի և Ադրբեջանի միջև խաղաղության պայմանագրի ստորագրման նախապատրաստությունը։
Նրա խոսքով՝ Հայաստանի վարչապետ Նիկոլ Փաշինյանը կարող էր անել իր հայտարարությունը Լեռնային Ղարաբաղի տարածքի մասին 1991թ. սահմաններում Արևմուտքի ազդեցության տակ։
«Նա հայտարարություններ է արել, որ մենք (Երևանը- խմբ.) կճանաչենք տարածքները 1991թ. քարտեզով... Նա ուղիղ նշել է տարածքները, որոնք պատկանում են Հայաստանին, որոնք պատկանում են Ադրբեջանին։ Ես կարծում եմ, որ այդ խոստովանությունները և հայտարարությունները նա արել է Արևմուտքի ազդեցության տակ։ Նա նրանց հետ բանակցություններ է վարել»,- ասել է Պատրուշևը։
News.am