Յուրի ԿՆՈՒՏՈՎ․ ՀԱՅԱՍՏԱՆԻ ՀԱՄԱՐ ԿԵՆՍԱԿԱՆ ՆՇԱՆԱԿՈՒԹՅՈՒՆ ՈՒՆԻ ՌՈՒՍԱՍՏԱՆԻ ՀԵՏ ՀԱՐԱԲԵՐՈՒԹՅՈՒՆՆԵՐԻ ՊԱՀՊԱՆՈՒՄԸ (ՏԵՍԱՆՅՈՒԹ)
Ռուս ռազմական փորձագետ Յուրի Կնուտովը Alpha News-ի հետ զրույցում մեկնաբանել է Ռուսաստանի ԱԳՆ հայտարարությունն այն մասին, որ ՀԱՊԿ-ին անդամակցությունը Հայաստանին ապահովում է անվտանգության անհրաժեշտ մակարդակ:
«Արևմուտքը Հայաստանին որոշակի արտոնություններ է խոստացել, առաջին հերթին Ֆրանսիան խոստացել է զենքի մատակարարում և այլն։ Բայց այն առաջարկները, որոնք տրվում են Հայաստանին իրենց կողմից, շատ ավելի վատ են, քան ռուսական զենքը և ավելի բարձր գնով։
Խոսելով այն մասին, որ Երևանում ձայներ են հնչում դեպի Եվրամիություն կողմնորոշվելու և Վաշինգտոնին անցնելու անհրաժեշտության մասին, մոտավորապես այնպես, ինչպես ժամանակին Կիևի ռեժիմը փորձում էր դա պարտադրել իր ժողովրդին, ապա կարող եմ մի բան ասել՝ այդ մարդիկ մոլորվում են։ Ես կասկածում եմ, որ այն արտադրանքը, որը թողարկում է հայկական արդյունաբերությունը, կհետաքրքրի ինչ-որ մեկին Եվրամիության երկրներում և Արևմուտքի այլ պետություններում։ Իր կոնյակների հաշվին ֆրանսիական կոնյակները դուրս մղել Հայաստանին երբեք չի հաջողվի։ Իսկ այն, որ Ռուսաստանին այդ կոնյակները կհետաքրքրեն այն բանից հետո, երբ Հայաստանն իրեն խիստ բացասաբար է պահում Ռուսաստանի նկատմամբ, դա նույնպես մոլորություն է, որը փորձում են ներշնչել հայ ժողովրդին», — ասել է Կնուտովը։
Փորձագետի կարծիքով՝ ՀԱՊԿ-ն այն կառույցն է, որն օգնում է պահպանել Ռուսաստանի և Հայաստանի միջև հարաբերությունները:
«Հայաստանը ինչ-որ բան անելուց առաջ պետք է ամեն ինչ կշռադատի՝ հաշվի առնելով, որ այժմ գտնվում է գրեթե ոչ բարեկամական երկրների շրջապատում։ Եվ այս իրավիճակում Հայաստանի համար Ռուսաստանի հետ հարաբերությունների պահպանումը կենսական նշանակություն ունի, կենսական անհրաժեշտություն է։ Իսկ ՀԱՊԿ-ը հենց այն կառույցն է, որն օգնում է պահպանել այդ հարաբերությունները երկու երկրների միջև», — եզրափակել է Կնուտովը։