ԸՍՏ «COUNCIL ON FOREIGN RELATIONS»-Ի՝ ՀԱՅԱՍՏԱՆ-ԱԴՐԲԵՋԱՆ ՆՈՐ ՊԱՏԵՐԱԶՄԸ ՀԱՎԱՆԱԿԱՆ Է, ՍԱԿԱՅՆ ԱՄՆ-Ի ՀԱՄԱՐ ՉՈՒՆԻ ԱՌԱՋՆԱՀԵՐԹՈՒԹՅՈՒՆ
Թյուրքագետ Վարուժ Գեղամյանը ներկայացրել է ամերիկյան ամենահեղինակավոր վերլուծական կենտրոններից մեկի տարեկան կանխատեսումը, ըստ որի, Հայաստան-Ադրբեջան նոր պատերազմը հավանական է:
«Ամերիկյան ամենահեղինակավոր վերլուծական կենտրոններից մեկը՝ «Council on Foreign Relations»-ը (Արտաքին հարաբերությունների խորհուրդ) 2024 թվականի համար իր տարեկան կանխատեսման մեջ նշել է, որ Հայաստան-Ադրբեջան նոր պատերազմը հավանական է, սակայն ԱՄՆ-ի համար չունի առաջնահերթություն»,- Facebook-ում գրել է Գեղամյանը:
Հիշեցնենք` Հայաստանում ԱՄՆ դեսպանատունը երեկ նախազգուշացում է հրապարակել, որով հորդորում է դեսպանատան աշխատակիցներին և նրանց ընտանիքներին չայցելել ՀՀ մի շարք տարածքներ։
«ԱՄՆ դեսպանատան աշխատակիցներին և նրանց ընտանիքներին արգելվում է որևէ ոչ էական ճանապարհորդություն դեպի հետևյալ վայրեր, ինչը արտացոլում է սահմանափակումների մեղմացում վերջին ծանուցման հրապարակումից ի վեր.
- Գեղարքունիքի մարզ՝ Վարդենիսից արևելք
- Սյունիքի մարզ՝ Գորիսից արևելք
- Սյունիքի մարզ՝ Կապանից հարավ
- Արարատի մարզի Երասխ գյուղով երթևեկությունը թույլատրվում է, կանգառը՝ ոչ», - ասված է հաղորդագրության մեջ։
