ԻՐՆԱ․ ՀԱՅԱՍՏԱՆԻ ԻՇԽԱՆՈՒԹՅՈՒՆՆԵՐԻ՝ ՄԻ ՔԱՆԻ ԳՅՈՒՂ ԱԴՐԲԵՋԱՆԻՆ ՀԱՆՁՆԵԼՈՒ ՄԱՍԻՆ ՀԱՅՏԱՐԱՐՈՒԹՅՈՒՆԸ ԶԱՅՐԱՑՐԵԼ Է ԲԱԶՄԱԹԻՎ ՀԱՅԵՐԻ

Հայաստանի ներքին գործերի նախարարությունը հայտնել է, որ ոստիկանությունը Երևանում ձերբակալել է 88 ցուցարարի։ Ցուցարարները պահանջում էին վարչապետ Նիկոլ Փաշինյանի հրաժարականը, որը որոշել է մի քանի սահմանամերձ գյուղ փոխանցել Ադրբեջանին։ Դրա մասին գրում է իրանական ԻՐՆԱ գործակալությունը։

«Վերջերս Հայաստանը հայտարարեց Ադրբեջանին մի քանի գյուղի փոխանցման մասին՝ դա երկու հարևանների միջև խաղաղության համաձայնագրի ձեռքբերման առումով կարևոր առաջընթաց համարելով։ Սա զայրացրել է շատ հայերի։

Բագրատ արքեպիսկոպոս Գալստանյանի գլխավորությամբ ցուցարարները մի քանի օր քայլելուց հետո մայիսի 9-ին մտել են մայրաքաղաք՝ անցնելով 160 կիլոմետր և բողոքի ցույցեր են անցկացրել»,- գրում է գործակալությունը։

News.am