Ընդդիմության վարչապետի թեկնածուն Բագրատ սրբազանն է

«Տավուշը հանուն հայրենիքի» անցումային կառավարության վարչապետի թեկնածուն Բագրատ սրբազանն է։ Այդ մասին Հանրապետության հրապարակում հրավիրած հանրահավաքի ժամանակ հայտարարեց ԵՊՀ պրոֆեսոր Գուրգեն Մելիքյանը։

Նա նշեց, որ բազմաթիվ քննարկումներ են ունեցել, որտեղ մարդկանց ճնշող մեծամասնությունը տվել են հենց նրա անունը։

«Այսօր մեզ պետք է մեկը, ով կարող է վերցնել պատասխանատվությունը, համախմբել բոլորին, գիտի` ինչ է հայրենիքը, մարդկային կյանքը, պատասխանատվությունը, խաղաղությունը, մարդ, որ կարող է մեզ հույս բերել ու փակել պատերազմի դուռը…և այդ մարդը Բագրատ սրբազանն է»,– հայտարարեց պրոֆեսորը։

Նրա խոսքերին հրապարակը արձագանքեց ծափողջույններով ու մանուշակագույն ծխով։

Sputnik Արմենիա