Եվրոպական երկրները սահմանափակել են Հունգարիայի հետ հետախուզական տեղեկատվության փոխանակումը

Այսպես կոչված Բեռնի ակումբին պատկանող եվրոպական երկրները քաղաքական տարաձայնությունների պատճառով սահմանափակել են հետախուզական տեղեկատվության փոխանակումը այս ֆորումին մասնակցող Հունգարիայի հետ։ Այս մասին հայտնում է EUobserver պորտալը՝ հղում անելով հետախուզական ծառայությունների ներկայացուցիչներին։

«Հիասթափություն կա հետախուզության ավելի քիչ բարձրաստիճան պաշտոնյաների շրջանում, քանի որ արևմտյան դաշնակիցները մեզ հետ չեն կիսում տեղեկատվությունը այնքան, որքան նախկինում: Բայց որքան բարձր եք բարձրանում հիերարխիկ սանդուղքով, այնքան դա ավելի քիչ է անհանգստացնում որևէ մեկին», - պորտալին ասել են հունգարական հետախուզական համայնքը:

Իր հերթին, Բելգիայի հետախուզական ծառայությունների ներկայացուցիչն ասել է, որ Հունգարիայի փոխարեն, որը պետք է դառնար Բեռնի ակումբի ժամանակավոր նախագահը, այդ պարտականությունները կստանձնի Դանիան՝ չպատճառաբանելով այս որոշումը։

Բեռնի ակումբը ծառայում է որպես Եվրամիության 27 պետությունների, Նորվեգիայի և Շվեյցարիայի միջև կամավոր հիմունքներով հետախուզական տվյալների փոխանակման հարթակ: Այն ստեղծվել է 1971 թվականին և կենտրոնակայանը գտնվում է Շվեյցարիայի Բեռն քաղաքում։

News.am