Բալթիկ ծովում մեկնարկել են ՆԱՏՕ-ի ամենամեծ ռազմածովային Baltops 2024 զորավարժությունները

Ավելի քան 50 նավ, տասնյակ ինքնաթիռներ, ուղղաթիռներ և ՆԱՏՕ-ի հազարավոր զինվորներ չորեքշաբթի օրը սկսել են ՆԱՏՕ-ի ամենամեծ ծովային Baltops 2024 զորավարժությունները, հայտնում է Polsat News-ը։

Պատմության մեջ առաջին անգամ նման մասշտաբով վարժանքներ են անցկացվում Բալթիկ ծովի ավազանում։ Ընդհանուր առմամբ մասնակցում են ուժեր դաշինքի 20 երկրներից։

Զորավարժությունները, որոնք կենտրոնացած են Բալթիկ ծովի ավազանում, սկսվել են չորեքշաբթի և կտևեն մինչև հունիսի 20-ը։

Շվեդական բանակի տվյալներով՝ նրանք կենտրոնանալու են Գոտլանդի, Ռիգայի և Բոթնիայի ծոցի միջև ընկած ջրերի վրա։

Զորավարժությունների շրջանակներում առաջադրանքները կիրականացվեն նաև Գերմանիայում, Լեհաստանում, Շվեդիայում և Լիտվայում գտնվող ուսումնական վայրերում:

News.am