«Դատապարտելը քիչ է». «Ժառանգության» հայտարարությունը

Գործող սույն ժամիշխանի ամեն քայլը, յուրաքանչյուր խոսքը՝ մեր երկրի ներսում, թե դեպի արտերկիր, հեգնում է մեր Հայրենիքը, նսեմացնում պետականությունը և ուրանում սեփական ազգի հավաքական կենսական շահերն ու քաղաքացիների սահմանադրական ինքնիշխան իրավունքները։ Այս մասին հայտարարություն է տարածել «Ժառանգություն» կուսակցությունը:

Հայտարարությունում նաև ասվում է. «Դատապարտում ենք՝ մեկին և բոլորին, նրա հանցավոր երդմնազանցությունից ու հայրենատվությունից մինչև զանգվածային զինվորասպանություն և սեփական ազգի դեմ բռնության վախածին միջոցների կիրարկում։

Բայց դատապարտելը և դատապարտվելը քիչ են։ Ամեն գնով հրամայական է նրա և իր մեղսակիցների հաշվետու հեռացումը։

Եվ յուրաքանչյուրիս իրական ինքնամաքրումը, մեր հանրային էության ամբողջական վերափոխումը։

Հայի հրահանգով օրերս թափված հայի արյունը արդ կանչում է Հայաստան, պատասխան ու փրկություն։

News.am