Անկարան հրաժարվել է նախատեսված Թուրքիայի և Հայաստանի ներկայացուցիչների հանդիպումից

Անկարայում մտափոխվել են և հրաժարվել Թուրքիայի և Հայաստանի ներկայացուցիչների հուլիսի 2-ին նախատեսված հանդիպումից։

Դրա մասին NEWS.am-ին հայտնել է իրազեկ դիվանագիտական ​​աղբյուրը։

Ավելի վաղ հաղորդվել էր, որ հուլիսի 2-ին հայ-թուրքական սահմանին երկու երկրների ներկայացուցիչների հանդիպում է նախատեսված։

«Վերջին պահին թուրքական կողմը հրաժարվեց հանդիպումից։ Որոշման պաշտոնական պատճառները չեն նշվում»,- հայտնել է աղբյուրը։ Առայժմ պարզ չէ՝ հանդիպումը չեղարկվե՞լ է, թե՞ սոսկ հետաձգվել։