Նաիրի ՍԱՐԳՍՅԱՆ․ ՀԱՅԱՍՏԱՆԻ ՊԵՏԱԿԱՆ ՊԱՐՏՔԸ ՀԱՍԵԼ Է ԾԱՅՐԱՀԵՂ ՎՏԱՆԳԱՎՈՐ ՉԱՓԵՐԻ (ՏԵՍԱՆՅՈՒԹ)
12 միլիարդ դոլարի պետական պարտքը չափազանց վտանգավոր է Հայաստանի համար։ Դրա մասին News.am-ի թղթակցի հետ զրույցում հայտարարել է Հայաստանի աուդիտորների պալատի նախագահ Նաիրի Սարգսյանը։
Ըստ նրա՝ Հայաստանում, որտեղ բնակչության կեսից ավելին աղքատ է և որին սպառնում են է երկու հարևան երկրները, ծախսերի 13%-ն ուղղվում է պարտքերի սպասարկմանը։
Նա նշել է, որ դա մեծ գումար է, որը կարող էր ուղղվել պաշտպանությունն ուժեղացնելուն, տնտեսական ու սոցիալական խնդիրների լուծմանը։
Սարգսյանն ամենակարևոր խնդիր է անվանեց այն, որ պարտքով ստացված միջոցները եկամտաբեր ոլորտներում չեն ծախսվում, որոնք կարող էին և՛ պարտքը փակել, և՛ լրացուցիչ եկամուտներ ստեղծել։ «Այս տեմպերով կգա ժամանակը, երբ Հայաստանը ստիպված կլինի փոխհատուցել պարտքը պետական գույքի փոխանցման միջոցով»,- ընդգծել է նա։
Աուդիտորների պալատի նախագահը նշել է, որ բոլոր նրանք, ովքեր Հայաստանին կոչ են անում անդամակցել Եվրամիությանը, դեմ են Հայաստանին, քանի որ այնտեղ նրա տնտեսությունը մրցունակ չէ։ «Հայաստանը ԵՄ-ում ողջունելի չէ։ ԵՄ-ն տեղ բացե՞լ է Հայաստանի համար։ Ոչ»,- եզրափակել է նա։