ՌԴ և ԵՄ ապրանքաշրջանառությունը հունիսի արդյունքներով իջել է 5 մլրդ եվրոյից ցածր՝ 1999-ի աշնանից ի վեր

Ռուսաստանի և Եվրամիության ապրանքաշրջանառությունը ցածր է 5 մլրդ եվրոյից՝ առաջին անգամ 1999թ. աշնանից ի վեր, վկայում են «Եվրոստատի» տվյալները, տեղեկացրել է «ՌԻԱ Նովոստի»-ն։

ՌԴ-ի և ԵՄ-ի երկկողմ առևտուրը կրճատվել է 10 տոկոսով մայիսի համեմատ՝ 4,9 մլրդ եվրո։ Սա նվազագույնն է 1999թ. սեպտեմբերից ի վեր, երբ ապրանքաշրջանառությունը կազմում էր 4,6 մլրդ։

Ամենից շատ նվազել է առևտուրը Պորտուգալիայի հետ՝ 4,3 անգամ՝ 13,2 մլն եվրո, ինչպես նաև Չեխիայի և Իռլանդիայի հետ՝ մոտ կրկնակի, 121,5 և 41,5 մլն եվրո համապատասխանաբար։

Մի շարք երկրների հետ առևտուրը, հակառակը, ավելացել է։ Նրանց թվում են Բուլղարիան և Ռումինիան՝ 15 տոկոսով, 55,8 և 12,3 մլն եվրո համապատասխանաբար, Նիդեռլանդները (+10%, 462,4 մլն եվրո), Խորվաթիան (+7%, 21,5 մլն), Ավստրիան (+6%, 284,2 մլն), Ֆրանսիան (+6%, 449,4 մլն), Հունգարիան (+3%, 464 մլն) և Լիտվան (+1%, 87,9 մլն եվրո)։

Միաժամանակ, 5 տոկոսով կրճատվել է եվրոպական արտադրանքի վաճառքը Ռուսաստանում՝ 2,4 մլն եվրո։ Եվրոպական արտահանման հիմքը դեղագործական արտադրանքն է (634 մլն եվրո), սարքավորումները (262 մլն) և օպտիկական գործիքները (203 մլն եվրո)։

News.am