Կվերականգնվի «Մեր մանկության տանգոն» գեղարվեստական ֆիլմի պատմական տունը

«Տաշիր» բարեգործական հիմնադրամի նախագահ Սամվել Կարապետյանի նախաձեռնությամբ կվերականգնվի ռեժիսոր Ալբերտ Մկրտչյանի «Մեր մանկության տանգոն» գեղարվեստական ֆիլմի պատմական տունը։ Այս մասին հաղորդում է հիմնադրամի մամուլի ծառայությունը:

«Շենքը, որը գյումրեցիներն անվանում են «վառեմ-մարեմ», կվերականգնվի բարեգործական հիմունքներով և կնվիրաբերվի Գյումրի քաղաքին»,- գրել է հիմնադրամի մամուլի ծառայությունը։

Հիմնադրամից հայտնել են նաև, որ այժմ քննարկում են վթարային շենքի վերակառուցումը:

AlphaNews.am