Երևանում անձրևից հետո կրկին հեղեղումներ են

Երևանում քիչ առաջ տեղացած հորդառատ անձրևը այս անգամ ևս դժվարանցանելի է դարձրել ճանապարրհները մայրաքաղաքի տարբեր հատվածներում:

Ինչպես հայտնում է NEWS.am-ի թղթակիցը դեպի Եռաբլուր գնացող կամրջի մոտ անձրևաջրերի մեջ են մնացել «Գազել» մակնիշի մեքենան, և երկու թեթև մարդատար մեքենա: Մյուս մեքենաները շրջանցում են այդ հատվածը:

 Տեղում պարեկային ծառայության աշխատակիցները փորձում են կարգավորել իրավիճակը:

Նման իրավիճակ է ստեղծվել նաև այլ վարչական շրջաններում՝ մասնավորապես Երևանի կենտրոնում, Արաբկիր վարչական շրջանում և այլն:

Օգտատերերը լուսանկարներ են հրապարակել, որոնցում հեղեղված են գետնանցումները, խանութները և այլն: