Ալիևը նշել է ԵԽԽՎ անդամների Ադրբեջան մուտքի արգելքի վերացման պայմանները
Բաքուն կհանի Եվրոպայի խորհրդի խորհրդարանական վեհաժողովի (ԵԽԽՎ) առանձին պատգամավորների Ադրբեջան մուտքի արգելքը ԵԽԽՎ-ում այդ երկրի պատվիրակության լիազորությունների վերականգնումից հետո։ Դրա մասին հայտարարել է այդ երկրի նախագահ Իլհամ Ալիևը՝ ելույթ ունենալով Իտալիայի Չեռնոբիո քաղաքում անցկացված միջազգային ֆորումում։
«Այն, ինչ տեղի ունեցավ այս տարվա հունվարին (երբ ԵԽԽՎ-ն չերկարաձգեց ադրբեջանական պատվիրակության լիազորությունները) հատեց կարմիր գիծը։ Անցյալ տարի մենք ամբողջությամբ վերականգնեցինք մեր ինքնիշխանությունը։
Սրանից բառացիորեն մի քանի ամիս անց ԵԽԽՎ-ն որոշեց մեր պատվիրակությանը զրկել ձայնի իրավունքից։ Այսինքն՝ մեր նկատմամբ պատժամիջոցներ կիրառվեցին, քանի որ մենք վերականգնեցինք մեր ինքնիշխանությունը»,- ընդգծել է Ալիևը։
Ըստ նրա՝ ԵԽԽՎ անդամների վերաբերյալ որոշումը, ովքեր դեմ են քվեարկել ադրբեջանական պատվիրակության լիազորությունների վավերացմանը, «համարժեք է եղել»։ «Մեր որոշումը պատասխան քայլ էր։
Եթե մտափոխվեն ու վերականգնեն մեր իրավունքը, ապա այսպես կոչված էմբարգոն կվերացվի։ Մեր պատվիրակությունը պետք է վերադառնա, այդ դեպքում արգելքը կվերացվի»,- հավելել է Ալիևը։
News.am