Իրանի իշխանությունները պլանավորում են մայրաքաղաքը տեղափոխել Պարսից ծոցի ափ
Իրանի նախագահ Մասուդ Փեզեշքիանը հայտարարել է, որ Իրանի ղեկավարությունն այլ ելք չունի, քան երկրի քաղաքական ու տնտեսական կենտրոնները տեղափոխել հանրապետության հարավային սահմաններ՝ Պարսից ծոցի ափ, հայտնում է «ՌԻԱ Նովոստին»` հղում անելով իրանական «Ֆարս» լրատվական գործակալությանը։
«Որպես երկրի մայրաքաղաք՝ Թեհրանը բախվում է խնդիրների, որոնց միակ լուծումը մայրաքաղաքը տեղափոխելն է»,- Փեզեշքիանի խոսքերն է մեջբերում է իրանական գործակալությունը։
Նա նշել է, որ անհնար է Թեհրանը որպես մայրաքաղաք պահել մի շարք նկատառումներից ելնելով, առաջին հերթին՝ տնտեսական։ Իրանի նախագահի խոսքով՝ անհնար է զարգացնել երկիրը՝ շարունակելով ռեսուրսները Թեհրան բերել հարավից և ծովից, ապա դրանք վերածել արտադրանքի և նորից ուղարկել հարավ՝ արտահանման համար։
Միաժամանակ՝ նա ընդգծել է, որ նոր մայրաքաղաքային կենտրոն ընտրելուց հետո բոլոր կառավարական գերատեսչությունները կտեղափոխվեն այնտեղ, որից հետո Թեհրանի բնակիչներին հնարավորություն կտրվի տեղափոխվել հանրապետության նոր մայրաքաղաք։
Armenia Today