Զախարովան Գրիգորյանին խորհուրդ տվեց չմասնակցել հավաքներին, այլ մտածել պարենային անվտանգության մասին (ՏԵՍԱՆՅՈՒԹ)

Հաշվի առնելով, որ մենք պարբերաբար տեղեկացնում ենք հայկական կողմին, կապի մեջ ենք, կարծում եմ, որ այդ տեղեկատվությունը տարածվում է և կարծում եմ, որ Երևանում գիտեն մեր դիրքորոշման մասին և ելնում են նման արկածների իրատեսական գնահատականներից։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի Անվտանգության խորհրդի քարտուղար Արմեն Գրիգորյանի մասնակցությունը «Ուկրաինայի խաղաղության բանաձևի» համատեքստում պարենային անվտանգության առցանց ձևաչափով թեմատիկ համաժողովին։

«Մենք կարծում էինք, որ նրանք հիանալի հասկացել են, որ նման ներքաղաքական կռիվը կապ չունի քաղաքական կարգավորման որոնման և խաղաղության հաստատման հետ, բայց, ըստ երևույթին, դա ոչ բոլորին է հասնում։ Եվ այս հավաքների բոլոր մասնակիցները պետք է տեղյակ լինեն, որ առանց Ռուսաստանի մասնակցության հակամարտությունը հնարավոր չէ լուծել»,- ասել է Զախարովան։

Ըստ նրա՝ պարենային ապահովությամբ հետաքրքրվողներն առաջին հերթին պետք է հարցնեն, թե իրենց երկրում այս հարցն ինչպես է. «Գուցե ընկեր Արմեն Գրիգորյանը չգիտի, հիշեցնեմ։ Հացահատիկները, որոնք Հայաստան են գնում տարբեր նպատակներով, դրանց 90 տոկոսը գալիս է Ռուսաստանից։ Միգուցե, այն ժամանակ դուք կարող եք կապ հաստատել Ռուսաստանի Դաշնության հետ տեսահամաժողովի միջոցով՝ քննարկելու ձեր պարենային անվտանգությունը: Դե, դա արդար է և հարգալից: Ինչու՞ գործել և ինչ-որ խարդախության մեջ մտնել նրանց թիկունքում, ովքեր, ի թիվս այլ բաների, կերակրում են ձեզ և ապահովում ձեր պարենային անվտանգությունը»:

Հիշեցնենք, որ սեպտեմբերի 4-ին Հայաստանի Անվտանգության խորհրդի քարտուղար Արմեն Գրիգորյանը առցանց ձևաչափով մասնակցել է պարենային անվտանգության թեմատիկ համաժողովին՝ «Ուկրաինական խաղաղության բանաձևի» համատեքստում։

Համաժողովը «Ուկրաինայի վերաբերյալ խաղաղության բանաձև» գագաթնաժողովի շարունակությունն է։ Առցանց համաժողովում մասնակիցները քննարկել են պարենային անվտանգությանը վերաբերող հարցերի լայն շրջանակ:

News.am