Իսրայելը հարված է հասցրել Բեյրութի արվարձանին (ՏԵՍԱՆՅՈՒԹ)

Իսրայելական ԶԼՄ-ները պնդում են, որ հարվածը հասցվել է բնակելի շինությանը, որտեղ այդ պահին տեղի է ունեցել լիբանանյան «Հզբոլլահ» շարժման ներկայացուցիչների և պաղեստինցի պաշտոնյաների հանդիպումը:

Իսրայելի բանակն այսօր հարված է հասցրել Բեյրութի հարավային արվարձանին։

Ինչպես հայտնում են իսրայելական լրատվամիջոցները, հարձակման թիրախը եղել է «Հզբոլլահ» շարժման բարձրաստիճան պաշտոնյաներից մեկը:

Նշվում է, որ հարվածը հասցվել է բնակելի շինությանը, որտեղ այդ պահին ընթացել է լիբանանյան շարժման ներկայացուցիչների և պաղեստինցի պաշտոնյաների հանդիպումը: «Հզբոլլահի» ղեկավարության անդամը, ըստ մի շարք լրատվամիջոցների, սպանվել է: Նրա անունն ու պաշտոնը չեն նշում։

Օգտատերերը կադրեր են հրապարակել, որոնցում երևում են հարձակման հետևանքները։ Բեյրութի շենքերից մեկը լրջորեն վնասվել է ։

Անցած գիշեր ՑԱԽԱԼ-ը մի շարք հարձակումներ է իրականացրել Լիբանանի հարավում։ Իսրայելական բանակի տվյալներով՝ հարվածների ընթացքում խոցվել է մոտ 100 արձակման կայանք և օբյեկտ։

Հիշեցնենք` սեպտեմբերի 17-ին Բեյրութում և Լիբանանի շրջաններում փեյջերների զանգվածային պայթեցում է տեղի ունեցել, որի հետևանքով, ըստ վերջին տվյալների, 12 մարդ է մահացել, տուժածների թիվը գերազանցում է 2800-ը։ Երկրի իշխանությունները կատարվածի պատասխանատվությունը դրել են Իսրայելի վրա։

Ըստ ԶԼՄ–ների` կիբեռհարձակումը կազմակերպել է իսրայելական հատուկ ծառայությունների գործակալ Մահշիր Կեշերը։

Սեպտեմբերի 18-ին հայտնի դարձավ, որ Լիբանանում նաև ռադիոկապի միջոցներ ու ավտոմեքենաների նվագարկիչներ են պայթել, մի շարք քաղաքներում հրդեհներ են բռնկվել բազմաբնակարան շենքերում, այրվել են նաև մեքենաներ:

Sputnik Արմենիա