Չառլզ III-ի շնորհավորանքը ՀՀ Ակախության օրվա առիթով

Մեծ Բրիտանիայի թագավոր Չառլզ III-ը շնորհավորական ուղերձ է հղել Հայաստանի նախագահ Վահագն Խաչատուրյանին Հայաստանի Հանրապետության Անկախության օրվա առիթով, տեղեկացրել է ՀՀ-ում Մեծ Բրիտանիայի դեսպանությունը։

«Քանի որ Դուք և Հայաստանի ժողովուրդը տոնում եք Անկախության օրը, ես և իմ տիկինը մեծ գոհունակությամբ մեր անկեղծ շնորհավորանքներն ենք հղում Ձերդ Գերազանցությանը և հայ ժողովրդին։

Ես գնահատում եմ կապը մեր ժողովուրդների միջև և հուսով եմ, որ մեր երկրները կկարողանան շարունակել սերտ համագործակցությունը կարևոր գլոբալ հարցերի լուծման գործում՝ լինի դա խաղաղությունը և բարգավաճումը, թե շրջակա միջավայրն ու կլիմայի փոփոխությունը, ինչն օգուտ կբերի մեր ապագա սերունդներին երկար տարիներ։

Օգտվելով հնարավորությունից՝ մենք տիկնոջս հետ կցանկանայինք Ձեզ և բոլոր հայերին ուղարկել ամենաջերմ մաղթանքները»,- ասված է Չառլզ III-ի շնորհավորական ուղերձում։

News.am