Բրիտանիան զբաղեցրել է առաջին տեղը Եվրոպայում անլեգալ միգրանտների թվով

Եվրոպայում անլեգալ միգրանտների ամենամեծ քանակությունն ապրում է Մեծ Բրիտանիայի տարածքում։ Այս մասին տեղեկացրել է The Daily Telegraph թերթը՝ հղում կատարելով Օքսֆորդի համալսարանի փորձագետների հետազոտությանը։

Նրանց տվյալներով՝ Միացյալ Թագավորությունում ապրում է 745 հազար անլեգալ, ինչը մոտ երկուսուկես անգամ գերազանցում է Ֆրանսիայի ցուցանիշները, որտեղ մոտ 300 հազար անօրինական միգրանտ կա։ Երկրորդ տեղն այս ցուցանիշով զբաղեցնում է Գերմանիան, որտեղ ապրում է 700 հազար անլեգալ միգրանտ։

Տարեսկզբից Մեծ Բրիտանիա փչովի նավակներով Լա Մանշ նեղուցով եկել է 26,6 հազար անլեգալ, ինչը 5 տոկոսով ավելի բարձր է 2023թ. թվերից նույն ժամանակաշրջանի համար։ Հոկտեմբերի 5-ին անօրինական ձևով թագավորություն է եկել 973 մարդ՝ ռեկորդային բարձր օրական ցուցանիշ ընթացիկ տարում։

Անլեգալ միգրացիայի խնդիրը Մեծ Բրիտանիայոմ սրվել է Եվրամիությունից երկրի դուրս գալուց հետո, թեև հենց այդ թեման է եղել Brexit-ի գլխավոր պատճառներից մեկը։ 2018-ից Լա Մանշով թագավորություն է եկել մոտ 130 հազար անլեգալ։ Լեյբորիստական կուսակցության կառավարությունը, որը ձևավորվել է հուլիսի 4-ի խորհրդարանական ընտրություններից հետո, խոստացել է ուժեղացնել համագործակցությունը ԵՄ պետությունների հետ՝ անլեգալ միգրանտների հոսքը Մեծ Բրիտանիա կանխելու համար։

News.am