Իսրայելը հայտարարել է, որ «ամրապնդում է կապերը Բաքվի հետ»
Մենք ամրապնդում ենք կապերն Ադրբեջանի հետ: Այսօր ես հանդիպեցի Իսրայելում Ադրբեջանի դեսպան Մուխթար Մամեդովի հետ՝ քննարկելու համար էներգետիկ ոլորտում մեր համագործակցության ընդլայնման հարցը։ Դրա մասին սոցիալական ցանցերում գրել է Իսրայելի էներգետիկայի և ենթակառուցվածքների նախարար Էլի Քոհենը։
«Որպես արտգործնախարար՝ ես բացեցի Ադրբեջանի դեսպանատունը Իսրայելում՝ շիա երկրի առաջին դեսպանատունը։ Մեր հարաբերություններն Ադրբեջանի հետ ռազմավարական են, և ես մտադիր եմ բոլոր մակարդակներում շարունակել աշխատել մեր երկրների միջև հարաբերությունների ամրապնդման ուղղությամբ»,- գրել է իսրայելցի նախարարը։
Հիշեցնենք, որ այսօր Իրանի նախագահն Ադրբեջանի փոխվարչապետ Շահին Մուստաֆաևի հետ հանդիպմանը զգուշացրել է Բաքվին «տարածաշրջանում օտար պետությունների ռազմահենադաշտ ստեղծելու տխուր հետևանքների մասին»։
Նա զգուշացրել է, որ տարածաշրջանում օտար երկրների համար ռազմահենադաշտ ստեղծելը տարածաշրջանի երկրների շահերից չի բխի։
News.am